كتب ،،ناصر عبد الواحد.
. في ناس بتسأل وبتقول:
“هو محمد عبد الله زين الدين عمل إيه للدائرة؟”
طب تعالى نسأل السؤال بالعكس…
هو غيره عمل إيه؟!
محمد عبدالله مش محتاج حد يطبّل له ولا يزيّن صورته،
الراجل تاريخه بيتكلم عنه، ومواقفه معروفه لكل الناس.
من يوم ما دخل المجلس، ما سابش موضوع يخص الناس إلا واتكلم فيه،
ما خافش من حد، ولا اختار يسكت علشان يرضي حد،
اتكلم وقت ما الكل اختار الصمت،
ودافع وقت ما غيره كان بيحسبها “هتكسبني ولا هتضرني”.
حتى لو كلامه ما جابش نتيجة،
يكفيه شرف المحاولة،.
محمد عبدالله مش ملاك، ولا حد كامل،
بس هو راجل حقيقي…
واقف دايمًا مع الناس، وبيحس بيهم،
مش بيظهر وقت الانتخابات ويختفي بعدها.
اللي يعرفه عارف إنه واحد مننا، من لحمنا ودمنا،
صوته صوتنا، وهمّه همّنا.
كلمة الحق عمرها ما كانت سهلة،
بس اللي بيقولها بضمير… بيعيش في قلوب الناس،
حتى لو الدنيا كلها حاولت تسكته.