تقريبًا كده بعد رفض التظلمات من الإدارية العليا المقدمه من بعض المرشحين الخاسرين وإحالتها للنقض.

كتب ،،ناصر عبد الواحد
نقدر نقول: كل سنة وانتوا طيبين… الموضوع خلص
بس السؤال اللى مبيخلصش:
مين حط الأصوات؟
ومين شالها؟
ولا هي كالعادة… الفاعل مجهول؟
ناس فرحت واحتفلت
وناس زعلت واتكسرت
وبعد شوية
اللى كان زعلان فرح
واللى كان فرح سكت
وكأن الناس كلها كانت لعبة
ومشاعرهم مالهاش تمن
وتعبهم مالوش قيمة
وفلوس اتصرفت… وكأنها راحت في الهوا
القضية يمكن تكون اتقفلت قانونًا
لكن أخلاقيًا لسه مفتوحة
والوجع لسه موجود
والسؤال هيقعد يلف في دماغ كل واحد كان فاكر إن صوته ليه معنى
هل الفاعل هيفضل مجهول؟
ولا الحقيقة بتتأخر… بس